Lucid Dreams

Well, it is now 2026 time is flying. I haven't written anything for a month or so. The reason for it is that I am tired of the lucid dreams and the sleeplessness. Lucid dream is defined as a dream where the dreamer is conscious of the dream state and can influence the dream's content. To fix this, I need to wake up in the middle of lucid dreams and try to gain my sleep back. It is like a fairy tale where the need to go inside the dream and destroy it. However, it is hard to break it and wake up out of it because it is so pressing on my mind and it won't come off. I woke up few times in the middle of it and I tried to fall back asleep the dreams are so strong in the mind that it compels me to see it continuously or make it continue. I wonder, is there a key to get out of this room and shut the door behind and find peace. With that, I will wake up fresh with out headache. But now I am a bit worried that I loose control of it and won't be able to distinguish between dream and reality. I am looking for the golden key to open the door to my sleep. I know it is there somewhere but the only problem is I am unable to find it. I need to find the key fast enough before I loose it. The key to a peaceful mind and less tired body. It took me years to identify lucid dream as my problem, perhaps it might take years to find a solution or it might take only months for it. I hope for the later. 

എൻ്റെ എഴുത്ത്

എന്തെങ്കിലുമെഴുതുവാനൊരു മോട്ടിവേഷൻ വേണം. സ്വന്തമനുഭവങ്ങളിൽനിന്നും പാഠമുൾക്കൊണ്ട് എഴുതുവാൻതക്ക രീതിയിലുള്ള അനുഭവങ്ങളൊന്നുമെനിക്കില്ല. കാല്പനികതയിൽ അഭിരമിച്ചു കഥകളുടെ കെട്ടഴിക്കുവാൻ തക്കതായ ഒരു സവിശേഷഗുണവുമെന്നിലില്ല. അങ്ങനെയെങ്കിൽ ഞാൻ എവിടെ തുടങ്ങണം. മാത്രമല്ല എന്തെങ്കിലുമെക്കെ കോറിവെയ്ക്കുവാൻ സമയവും വേണം. അഞ്ചുദിവസത്തെ ജോലിക്കുശേഷം കിട്ടുന്ന രണ്ടുദിവസം മാത്രം എന്തെഴുതുവാൻ. എഴുതുക എന്നത് ഒരു മുഴുവൻസമയ തൊഴിലാണ്. കൂലിലഭിക്കുവാൻ സാധ്യതയില്ലാത്ത മുഴുവൻസമയ തൊഴിൽ. ഇന്നത്തെ ലോകസാമ്പത്തിക സമവാക്യങ്ങൾക്കു ഒട്ടും തന്നെ യോചിക്കാത്ത തൊഴിൽ. അങ്ങനെയൊരുതൊഴിലിൽ മുഴുവൻ സമയമേർപ്പെട്ടാൽ വന്നുചേരാവുന്ന നഷ്ടങ്ങളെകുറിച്ചുള്ള ആശങ്കയിൽ നിശ്ചലമായിടുന്നു എൻ്റെ രചനകൾ. ധനസമാഹരണമാണ് ഇന്നിൻ്റെ ശരി. അതിലേറ്റവും കൂടുതൽ വിജയം നേടിയെടുക്കുന്നതാണ് ഇന്നിൻ്റെ ലക്ഷ്യം. ആകയാൽ ഇനിയെഴുതുന്നതെന്തിന് ? കൂട്ടിലടയ്ക്കപ്പെട്ട പക്ഷികൾക്ക് ചിറകുകളെന്തിന് ? വിണ്ണിൻ വിഹായസിലേക്കുപറന്നുയരാൻ വെമ്പൽ കൊള്ളുന്ന പക്ഷികൾ ചിറകുകളുടെ ഉപയോഗമെന്താണെന്നുകൂടി വിസ്മരിച്ചിടുന്നലോകത്ത്‌ വിചിത്രം വിചിന്തനീയമീസമസ്യ.

സ്നേഹിതൻ

 

Stany Jose 

നീ അകന്നുപോവുകിൽ നിനക്കായ് 
ഞാൻ കരുതിവച്ചവാക്കുകൾ 
നിന്നോടു പറയാതെപോയതിൽ 
പരിതപിച്ചീടുന്നു സ്നേഹിതാ 
ജീവിതവ്യഗ്രതകൾതൻ ആഴങ്ങളിൽ വീണു 
ബന്ധങ്ങൾ കാത്തുസൂക്ഷിച്ചീടുവാനാവാതെപോയതിൽ 
പരിതപിച്ചീടുന്നു സ്നേഹിതാ 
ഇനിയെനിക്കാവില്ല കുശലമന്വക്ഷിപ്പാൻ 
നിന്റെ സ്വരം കേൾക്കുവാൻ  
മൂകമീവരികളിൽ മുങ്ങിനിവരുന്നു 
നാം തമ്മിലുള്ള സ്നേഹബന്ധം നിശബ്ദം..

സ്വാലോ പക്ഷികൾ

Birds on the tree- by kids

ഒരു കഥാകൃത്തിൻ്റെ ജനാലയ്ക്കരുകിലിരുന്നു സ്വാലോ (Swallow) പക്ഷി പറഞ്ഞകഥ കേട്ടെഴുതിയതാണ് തമ്പർലിന (Thumberlina) എന്നകഥയെന്നു പറയുന്ന കഥാകൃത്തിൻ്റെ വീക്ഷണം എത്ര കാല്പനികമാണ്. അതുപോലെ എൻ്റെ വീടിൻ്റെ ജനാലയ്കരികിലും സ്വാലോ പക്ഷി കൂടുകൂട്ടിയിട്ടുണ്ട്. അവർ കുഞ്ഞുങ്ങൾക്കു പറഞ്ഞുകൊടുക്കുന്ന കഥ ശ്രവിച്ചാൽ ഒരു പക്ഷെ എനിക്കും ഒരു കഥ എഴുതുവാനാവും.

                   കഥയൊന്നു പറയുമോ പൈങ്കിളിയെ 

                   നിൻറെ കഥയൊന്നു കേൾക്കുവാൻ  കാതോർത്തിരിപ്പു ഞാൻ 

അതെ അവരൊരു കഥ പറഞ്ഞിരുന്നുവെങ്കിൽ അത് കേട്ട് അതങ്ങ് എഴുതിവച്ചാൽ മതിയായിരുന്നു. അത്ര എളുപ്പമാണോ ഒരു കഥയെഴുതുവാൻ. അവർ ദേശാടനപക്ഷികളാണ്. ഒരുപാടുസഞ്ചരിച്ചു പലദേശങ്ങൾതാണ്ടി ഇവിടെയെത്തി എൻ്റെ വീടുതിരഞ്ഞെടുത്തു കൂടുകൂട്ടിയെങ്കിൽ എന്നിലെ കഥാകൃത്തിനോട് എന്തെങ്കിലും കഥ പറയുവാനുണ്ടാവുമെന്നു ഞാൻ കരുതുന്നു. ശരിയായിരിക്കുമോ?

എന്നിരുന്നാലും ഒരുപാടുതിരക്കുകൾക്കിടയിൽ അവരുടെ കഥ ശ്രവിക്കുവാൻ എനിക്കുസമയമുണ്ടാകുമോ? ശരിയാണ് ഈ തിരക്കുപിടിച്ച ജീവിതത്തിനിടയിൽ ഒരു കഥയും പറയുവാനോ കേൾക്കുവാനോ ആർക്കും സമയമില്ല. എങ്കിലും സ്വാലോ പക്ഷികൾ കഥ പറഞ്ഞുകൊണ്ടേയിരിക്കും...

                  കഥയെന്നും പറഞ്ഞുകൊണ്ടേയിരിക്കുന്നു 

                  കേൾക്കുവാൻ മാത്രം കാതുകളില്ല ...............

തിരഞ്ഞെടുക്കാത്ത വഴി

Alfo Ashi Austi Painting

ഇനിയെങ്കിലും എനിക്കാവഴിനടക്കണം 

ഈ സായാന്ഹവേളയിലെങ്കിലും 

ഒരുപാടുമോഹവും മോഹഭംഗങ്ങളും 

തീർത്തിടുന്ന മതിലിനപ്പുറമാണാവഴി 

വിശാലമമാവഴിയിൽ അനന്തതയുടെ 

പട്ടുപരവതാനിയുണ്ട് 

ആരും കൊതിക്കുന്നരീതിയിൽ 

അതിനിരുപുറവും മനോഹരമാം ഉദ്യാനവുമുണ്ട് 

എന്തുതന്നാകിലും ആ വഴി നടക്കുവാൻ 

എനിക്കെന്നും ഭയമായിരുന്നു 

ഒരുവേള ആ വഴിതൻ ലാഘവം, സമൂഹം നിഷ്കർഷിക്കും 

കല്ലും മുള്ളും നിറഞ്ഞ വഴികൾ തിരഞ്ഞെടുക്കുവാൻ പ്രേരിപ്പിച്ചിരുന്നിരിക്കാം 

എന്തിനുവേണ്ടിയീ കപടത 

ആലങ്കാരികമായ വിമുഖത 

ഇനിയെനിക്കാവഴിയെ നടക്കണം മതിവരുവോളം 

ഈ വൈകുന്നവേളയിലെങ്കിലും

ഇനിയെങ്കിലും

ഇനിയെങ്കിലുമെനിക്കു തുടങ്ങണം 

ജീവിതമൊഴുകുന്നു വേഗം 

ഈ നദി കരയിലെ ലവണങ്ങൾ ഊറ്റി അകന്നുപോയീടുന്നു 

ഇനിയെങ്കിലുമെനിക്കുണരണം 

ഗാഢനിദ്രയിൽ ലയിച്ചീടുവാൻ അധികനേരമില്ല 

ഇനിയെങ്കിലുമെനിക്കെഴുതണം 

തുറന്നെഴുത്ത്‌

സ്വന്തം പ്രതിച്ഛായ നഷ്ടംവന്നീടുമോയെന്ന ഭയത്താൽ 

ഞാൻ എനിക്ക് തീർത്തീടുന്ന തീക്കൂനയിൽ എരിഞ്ഞമർണീടുന്നു എൻ്റെ തുറന്നെഴുത്ത്‌.

നാം

Kids painting

കാറ്റായി കവിതയായി കുളിർമഴയായി 

തുടർന്നിടുകവേണം നീ എന്നിലെന്നും 

തണൽ മരമായി നീയെനിക്കേകുന്നതണലിൽ 

വിശ്രമിച്ചീടുന്നു ഞാൻ ശാന്തതയിൽ 

കാലമെത്രകഴിഞ്ഞീടിലും നീ എന്നിലലിഞ്ഞുചേർന്നിരിക്കുന്നു 

ഏതുകാലത്തിനും അഴിച്ചീടാനാവാത്തവിധം 

നാമൊന്നായി തീർന്നിരിക്കുന്നു 

ഇനി ഞാനില്ല നമ്മൾ മാത്രം 

 

ഞാൻ

Drawing by Ashling

എനിക്കു ഞാനാകണം 

നിനക്കു നീയാകണം 

പക്ഷെ, ഞാൻ ഞാനും നീ നീയുമാകുമ്പോൾ 

സമൂഹം നമുക്കെതിരാകും. 

യുക്തി

Drawing by Ashling 

ശാസ്ത്രമേതാകിലും 

വിചിന്തനപ്രാപ്തിയിലാണതിൻ അർത്ഥം 

മഴ ഞാനേറെ ആസ്വദിച്ചീടിലും 

അതിനു കാരണമാം ശാസ്ത്രത്തിലാണെൻ കൗതുകം 

ഏറെനാൾ കൊതിച്ചൊരു മഴ പെയ്തിറങ്ങുമ്പോൾ 

മണ്ണും മനസ്സും കുളിരണിയുന്നു 

എങ്കിലും വശ്യമാം ഈ കാഴ്ചകൾക്കപ്പുറം 

ഒരു യാഥാർഥ്യബോധം ഒളിഞ്ഞിരിപ്പുണ്ട് 

മഴയെവിടെനിന്നുവരുന്നു എന്നു എൻ കുഞ്ഞു ചോദിച്ചീടുകിൽ 

ചിരപുരാതന ദൈവസങ്കല്പത്തിലൂന്നി 

ഈ മഴ പെയിച്ചീടുന്നത് ദൈവമാണെന്ന് പറഞ്ഞൊഴിയുവാനാവില്ലെനിക്ക് 

മഴയുടെ പിന്നിലെ ശാസ്ത്രം പകർന്നു നല്കുന്നതിലാണെൻ ശ്രദ്ധ 

നാമിവിടെ നിന്നു വന്നു?

നമ്മെ ആരു സൃഷ്ടിച്ചു?

ഈ ചോദ്യങ്ങൾക്കു മുന്നിൽ പതറാതെ പിന്തിരിഞ്ഞോടാതെ 

പരിചയപെടുത്തിടുക വേണം പരിണാമശാസ്ത്രം 

ചോദ്യങ്ങൾക്കു ഉത്തരമില്ലെങ്കിൽ പഠിച്ചീടുകവേണം 

എളുപ്പമാർഗത്തിൽ എത്തിച്ചേരുവാനാവുന്ന താവളമല്ല 

യുക്തിസഹ ജീവിതം 

ശാസ്ത്രവിചിന്തനമാണ് ശുദ്ധ സാഹിത്യ വീക്ഷണം 

സിന്ദൂരം

എൻ്റെ സിന്ദൂരമെന്ന  കവിതയുടെ യൂട്യൂബ് ലിങ്ക് 

https://www.youtube.com/watch?v=E_pcSw03O2w

ഈ കവിത ഇഷ്ടമായെങ്കിൽ ഷെയർ ചെയ്യുക

ചിരികൾ

Drawing by Austin

ഒരിക്കൽ നിനക്കായി കരുതിവച്ച ചിരികളിൽ 

ചിലന്തി വലനെയ്തു കഴിഞ്ഞിരിക്കുന്നു 

കാലചക്രം  ചലിക്കുന്നു വേഗം 

ദൂരങ്ങൾ മാറ്റമില്ലാതെ തുടരുന്നു ........................

 

പ്രിയസഖി

Drawing by Alfonsa

സ്വരമായി നീയെൻ 

കരളിൽ ഈണത്തിൽ 

വരവായ് ഏതോ 

കുളിർകാറ്റുപോലെ 

താളമായി ഞാനും 

ഹൃദയത്തിൻ തന്ത്രിയിൽ 

ചേരുന്നു ചാരെ 

ഒരു പൂവിതൾ പോലെ 

വർണ്ണനമല്ലാത്ത 

കാവ്യഭാവനയിൽ

കൈകോർത്തു നടക്കാം 

നമുക്കീ വിശാലവീഥിയിൽ 

ഒരിക്കലും തീരാത്ത 

ഈ വഴിത്താരയിൽ 

ചേർന്നിരുന്നല്പം 

വിശ്രമിച്ചീടാം 

എവിടെവച്ചെങ്കിലും 

കാലിടറീടുകിൽ 

താങ്ങായിമാറാം 

മടികൂടാതെന്നും 

ഓർമ്മകൾതൻ 

തീരത്തിരുന്നു 

മധുരമാം അനുഭവങ്ങൾ 

പങ്കുവച്ചീടാം 

നാളെ ഈവഴികളിൽ 

നാം നട്ട വൃക്ഷങ്ങൾ തൻ 

തണലിലിരുന്നു 

ഉഷ്ണമകറ്റിടാം 

കാറ്റായി തീയായി 

മഴയായി തിരകളായി 

തുടർന്നിടുകവേണം 

കഴിയുവോളം ഈ ഭൂവിൽ നാം 

ഒരുവേള  കളംവിട്ടൊഴിഞ്ഞീടുകിൽ 

പുൽക്കൊടിയായി 

പിറവിയെടുത്തിടേണം 

നമുക്കൊരുമിച്ചു ചാരെ 

വർണ്ണങ്ങൾ

Austi's painting 4yrs

ഒത്തിരിയൊന്നുമെഴുതുവാനില്ല എനിക്കീതാളുകളിൽ 

ചിത്രവർണങ്ങളിൽ മുഴുകുന്നു മൂകമെൻ മാനസം 

ഇമ്പമുള്ള ഓർമ്മകൾക്കു ചിറകുമുളച്ചീടുന്നില്ല 

ചിത്രശലഭങ്ങളെപോൽ പാറിപറന്നിടുവാൻ 

പലനിറങ്ങൾചാലിച്ച എൻ സ്വപ്‌നങ്ങൾ 

പീലിവിടർത്തിയാടുന്നുമില്ല സടകുടഞ്ഞെഴുന്നേൽക്കുന്നുമില്ല 

ഈ താളുകൾ ശൂന്യമായികിടന്നിടും 

ശൂന്യതയിൽ വിദൂരതയിൽ നോക്കി ഞാനും 

ഒരുവരിയെങ്കിലും എഴുതുവാനാകുമോ? 

ഇനിയുമീതൂലിക ചലിക്കുമോ?

ഒരുവേള പിന്തിരിഞ്ഞു നോക്കീടുകിൽ 

നഷ്ടംവന്ന അവസരങ്ങൾ തിരികെനേടുവാനാകുമോ 

ഒഴുകുന്നു ഞാനും മൂകമീനദിയിൽ 

ഒഴുക്കിനൊപ്പം തീരമേതെന്നറിയാതെ.....

ബോബി സെബാസ്റ്റ്യൻ 

Bobby Sebastian

  

വിചിന്തനങ്ങൾ

 

Austi's Painting

ഒരു നറുനിലാവിൽ 

എൻ കൊച്ചുചില്ലുജാലകത്തിനരുകിൽ 

മന്ത്രമോതുന്ന മന്ദമാരുതനെ 

അറിയുമോ നിനക്കെൻ ഹൃദയവികാരവായ്പുകൾ 

പകർത്തുവാനാകുമോ നിനക്കെൻ 

പ്രതീക്ഷകൾതൻ മുഖചിത്രം 

ചില്ലുജാലകത്തിൽ നീ തീർക്കുന്ന 

സംഗീതവശ്യഭാവങ്ങളിൽ 

അലിഞ്ഞുചേർന്നിടുബോൾ 

വശ്യമാമോരീ നിമിഷങ്ങൾ 

എനിക്കേകിടുന്നു വിചിന്തനങ്ങളിൽ

മുഴുകീടുവാനൊരവസരം