യുക്തി

Drawing by Ashling 

ശാസ്ത്രമേതാകിലും 

വിചിന്തനപ്രാപ്തിയിലാണതിൻ അർത്ഥം 

മഴ ഞാനേറെ ആസ്വദിച്ചീടിലും 

അതിനു കാരണമാം ശാസ്ത്രത്തിലാണെൻ കൗതുകം 

ഏറെനാൾ കൊതിച്ചൊരു മഴ പെയ്തിറങ്ങുമ്പോൾ 

മണ്ണും മനസ്സും കുളിരണിയുന്നു 

എങ്കിലും വശ്യമാം ഈ കാഴ്ചകൾക്കപ്പുറം 

ഒരു യാഥാർഥ്യബോധം ഒളിഞ്ഞിരിപ്പുണ്ട് 

മഴയെവിടെനിന്നുവരുന്നു എന്നു എൻ കുഞ്ഞു ചോദിച്ചീടുകിൽ 

ചിരപുരാതന ദൈവസങ്കല്പത്തിലൂന്നി 

ഈ മഴ പെയിച്ചീടുന്നത് ദൈവമാണെന്ന് പറഞ്ഞൊഴിയുവാനാവില്ലെനിക്ക് 

മഴയുടെ പിന്നിലെ ശാസ്ത്രം പകർന്നു നല്കുന്നതിലാണെൻ ശ്രദ്ധ 

നാമിവിടെ നിന്നു വന്നു?

നമ്മെ ആരു സൃഷ്ടിച്ചു?

ഈ ചോദ്യങ്ങൾക്കു മുന്നിൽ പതറാതെ പിന്തിരിഞ്ഞോടാതെ 

പരിചയപെടുത്തിടുക വേണം പരിണാമശാസ്ത്രം 

ചോദ്യങ്ങൾക്കു ഉത്തരമില്ലെങ്കിൽ പഠിച്ചീടുകവേണം 

എളുപ്പമാർഗത്തിൽ എത്തിച്ചേരുവാനാവുന്ന താവളമല്ല 

യുക്തിസഹ ജീവിതം 

ശാസ്ത്രവിചിന്തനമാണ് ശുദ്ധ സാഹിത്യ വീക്ഷണം