ലോക്ക്ഡൗൺ ചിന്തകൾ

നശ്വരമീമനുഷ്യനിർമിത ലോകം
ഒരു വേള നിശ്ചലമാവുകിലും
വീണു നിശ്ചലമാവില്ല പ്രകൃതി
ചുറ്റും ചിറകടിച്ചുപറന്നിടും പക്ഷികൾ
തളിർനാമ്പിടും വൃക്ഷലതാതികൾ
കാലചക്രത്തിനനുസരണം പൂക്കളും
കായ്കനികളും പിറന്നിടും
ശബ്ദമുകിരിതമാം മനുഷ്യനിർമിത-
കോലാഹലങ്ങൾക്കു അവധി നൽകുകിൽ
പ്രകൃതിയുടെ വശ്യമനോഹരചാരുത ദർശിച്ചിടാം
ചേതനകണ്ടാശ്ചര്യമൂറിടാം
ഒരുപക്ഷെ മനുഷ്യകുലമിവിടെ-
അന്യമായിതീർന്നിടുകിൽ
യാതൊരു പരാതിയും പരിഭവവും
അതിലധികമായി ഒരനുകമ്പയും കൂടാതെ
നഷ്ടമായവയെല്ലാം വീണ്ടെടുക്കുകതന്നെ ചെയ്യും പ്രകൃതി