സ്വരമായി വന്നു
സ്വപ്നമായി മാറിയ കൊച്ചു മര്‍മരമേ
ചിറകുകള്‍ വേണ്ടേ
പറന്നകലുവാന്‍ മരതക കാടുതേടി
കിളികൊഞ്ചലുണ്ടോ ?
കളിപറഞ്ഞിരുന്നോരല്പം നേരം കളയുവാന്‍
കഥപറയുന്ന മിഴികള്‍ ഉണ്ടോ ?
നോക്കിയിരുന്നതിന്‍ ആഴം കാണുവാന്‍
അഴിച്ചിട്ട കാര്‍കൂന്തലുണ്ടോ?
തോരാതെ പെയ്യുന്ന മഴയില്‍ നനയ്ക്കുവാന്‍
വിടര്‍ന്ന പാല്‍ പുഞ്ചിരി ഉണ്ടോ ?
വാടാതെ നില്‍കുന്ന മുല്ല മൊട്ടു വിരിയിക്കുവാന്‍
തുടുത്ത കപോലങ്ങലുണ്ടോ ?
കരിവണ്ടിനു മുത്തമിട്ടു പറന്നകലുവാന്‍
എങ്കില്‍ പോരുക ചാരെ
ചേര്‍ന്ന് നില്കുവാന്‍ അരികെ
കൈ കോര്‍ത്ത്‌ നടക്കുവാന്‍
എന്‍ കൊച്ചു മര്‍മരമേ .............................................
No comments:
Post a Comment