Saturday, 21 March 2020

Colour (Poem by Alfonsa)


The sky is blue I love it,
and the clouds are white
The rainbow is full of colours,
In the rainbow I will play inside the colours,
I love it
The trees are green,
I can climb on them and pick fruits
The flowers are colourful
I love them

Love in the sky (poem by Ashling)


I loved the love,
I was so happy
When I was so happy,
I saw a love in the sky
I picked up the love
It was a true love
I really love the true happy love

Saturday, 14 December 2019

ഹൃദയസ്പർശം

അടുക്കളയുടെ വിശാലമായ ചില്ലു
ജാലകത്തിലൂടെ നോക്കിയാൽ
ഒരു കൊച്ചു പൂന്തോട്ടവും
അതിലുള്ള രണ്ടുകൊച്ചു മരങ്ങളും കാണാം
ശീതകാലമായതിനാൽ ഇലകൾ പൊഴിച്ചു
മാറ്റങ്ങളെ ഓർമ്മിപ്പിച്ചു നിൽക്കുന്ന രണ്ടുകൊച്ചു മരങ്ങൾ
പേരറിയാത്ത അവയിലൊന്നിൻ ചില്ലയിൽ
ഒരു കുഞ്ഞുപക്ഷി വന്നിരുന്നു
ഏറെനേരമിരിക്കാതെ കൊക്കുമിനുക്കി
പറന്നുപോയൊരാപക്ഷി
ജീവിതഭാവമാറ്റങ്ങളെ ഓർമ്മിപ്പിക്കുന്നു
മനോഹരമാണീകാഴ്ച്ചകൾ
പ്രകൃതിതരുന്ന ഈ ദൃശ്യവിരുന്ന്
ഏറെനേരമിരുന്നു ആസ്വദിക്കുവാൻ ആഗ്രഹമുണ്ടെങ്കിലും
കുരുന്നുകൈകൾ എൻ   കവിളുകളിൽ തഴുകുന്നു
എന്നരുകിൽ വന്നെനിക്കുമുത്തം  നൽകുന്നു
പുഞ്ചിരിതൂകി എന്നരികത്തിരിക്കുന്നു
ദ്രശ്യവും സ്പർശവുമായ ഈ സൗന്ദര്യഭാവങ്ങളിൽ
ഏതു തിരഞ്ഞെടുക്കണമെന്നു ആശയക്കുഴപ്പമേതുമില്ലാതെ
ഞാൻ തിരഞ്ഞെടുക്കുന്നു
എൻ കുഞ്ഞുപൈതലിൻ തലോടലുകൾ....


Monday, 2 December 2019

പ്രണാമം

Alfo's drawing
അഞ്ഞൂറുവർഷങ്ങൾ മുൻപെവിടെയോ
അണമുറിയാത്ത ഏതോ കുടിലിലുറങ്ങിയ
എൻ പൂർവീകർക്കു പ്രണാമം
കാരണം നിങ്ങളില്ലെങ്കിൽ ഞാനില്ല
നിങ്ങൾകണ്ടകിനാവുകൾ
നിങ്ങൾനനഞ്ഞമഴകൾ
നിങ്ങൾ നടന്ന പാഥകൾ
എല്ലാമെല്ലാം എത്രയോ പവിത്രം
ഞാനുമിന്നു നടക്കുന്നു
ഞാനുമിന്നു കിനാവുകൾ കാണുന്നു
മഴമുകിൽ വാനിൽ നോക്കി ആശ്ചര്യമൂറുന്നു
നാളെ ഞാനും ചരിത്രമായിടും
എങ്കിലും തുടരുമീസമസ്യ
നീളുന്നു നീട്ടിപ്പിടിച്ച തിരിനാളങ്ങൾ
പിന്തുടർച്ചതിരയുന്ന വഴിവിളക്കായി ജ്വലിക്കുവാൻ
അണയാതെ എന്നും.......................

Friday, 30 August 2019

Beautiful Mystery

A mystery unfolds in the eyes,
that are filled with hope
It is a beautiful mystery
How often mysteries gets unfolded
The beautiful smile,
yes, the selfless smile of my baby
unlocks the mystery hidden beneath me
The sense of ' unconditional Love'

കൂടെവിടെ

ഉഷസിന്റെ ചില്ലയിൽ ചേക്കേറിടും
പക്ഷികൾ പോൽ
കൂടുതേടിപറന്നിടുന്നു നാം
കൂടെവിടെ??

ചേകേറീടുവാൻ കൊതിയോടെ
വിണ്ണിൻ വിഹായസിലേക്കു
നെടുവീർപ്പിട്ടുനോക്കി നിൽക്കുന്നു നാം
കൂടെവിടെ??

കൂടണയുവാൻ കൊതിയോടെ
നിതാന്തം തിരയുന്നു നാം സ്വപ്നങ്ങളും കൂടണയുമെന്നപ്രതീക്ഷകളുമായി
നീളുന്നുസമസ്യകൾ
കൂടെവിടെ??..................................



Friday, 14 June 2019

കതുവ

Ashi's painting

മൊഴി വിതുമ്പുന്നു
ചിരി മായുന്നു
ഈ വിധിവാചകം കേൾക്കുമ്പോൾ
നരാധമന്മാർ തൻ കിരാതനരനായാട്ടിൽ
നിർലോഭിച്ച കുരുന്നിൻ ചേതന
ചിതലരിച്ച പുസ്തകത്താളിൽ
വിധിയായിവിലയായി വിലാപമായി
ഒരു നിശ്വാസമായി ഏകമായി
ഒഴുകിയൊലിച്ച കൈത്താളമായി
നമ്മിലോരോരുത്തരുടേയും കൈകളിൽ പിടയുന്നു
സ്മാർട്ട് ഫോണുകളിൽ തിരയടിക്കുന്നു
ശരിയേത് തെറ്റേത്
ഒരു കുരുന്നിൻ ജീവൻ
പിടഞ്ഞൊരാനിമിഷത്തിൽ
വിധിതിരയുന്നു ലൈക്കുകളും ഡിസ്‌ലൈകുകളും ......................................



Wednesday, 27 March 2019

വിമർശനം

Ashi's painting
വിമര്ശനമെന്ന വാക്കിനുപോലും
വിമർശിക്കുവാനിന്നു ഭയം
അപരന്റെ  നേർക്കു നീളുമോ
മനസ്സുവേദനിപ്പിക്കുമോ എന്ന ഭയം

പാടുന്ന പാട്ടിന്റെ അപശ്രുതിയിൽ
കേൾക്കുന്ന കാതിൻ അലോസരത്തിൽ
പാട്ടുപാടുന്ന സുഹൃത്തിനെ
വിമർശിക്കുവാനിന്നേവർക്കും ഭയം



Tuesday, 18 December 2018

നവോത്ഥാനമതിൽ

Alfo's Painting
നവോത്ഥാനമെന്നാൽ നവയുഗശിൽപത്തിൽ
നാം കോറിയിടുന്ന കൊച്ചു പരിവർത്തനങ്ങൾ 
ഇനിയതിൻ ശിലാസ്ഥാപനത്തിനായി 
പള്ളിയിലച്ചനെയോ പൂജാരിയേയോ മുക്രിയെയോ കാക്കേണ്ടതുണ്ടോ???
കാത്തിരുന്നു പഴുത്ത മാമ്പഴം 
ഊഴിയിൽ വീണു പുഴുത്തു  മണ്ണിൽ ലയിച്ചു 
ഓർത്തിരുന്നു കൊതിച്ച മഴ പ്രളയമായി
ഭൂമിതൻ ഉച്ചിയിൽ താഴ്ന്നിറങ്ങിമറഞ്ഞു 
ഇനിയുമേതോ വാഗ്ദ്ധാനമരുഭൂമിയിൽ 
ഉച്ചവെയിലിൻ നിര്ജ്ജലീകരണത്തിൽ 
നാമാർക്കായി കാത്തിരിക്കുന്നു???
നവോത്ഥാനമതിൽ സമത്വസമരമതിൽ



Thursday, 25 October 2018

ചിന്തകൾ

Ashi's Hedgiee
ചിലനേരമേതോ തപസ്സിൽ നിന്നുണർന്നപോൽ
ശിരസ്സിന്റെ ഭാരമകന്നുപോകും
കടന്നലുകൾ ചേക്കേറി കൂടുകൂട്ടിടുന്ന മാനസത്തിൽ
തീപ്പന്തമായിമാറുന്ന ചിന്തകളാൽ
എരിഞ്ഞമർനിടും കടന്നലുകളാം ദുഷ്ചിന്തകൾ
വീണ്ടും തളിർകാറ്റുവീശിടും
തണുത്തിടും മാനസം
പൂത്തുതളിർത്തീടും നല്ലചിന്തകൾ ഉള്ളിൽ 

Monday, 15 October 2018

സത്യം

Ashi's Drawing
സ്വതന്ത്രമായ ചിന്തകൾ
ഏകമാവുകയില്ല
ബഹുസ്വരങ്ങളിലിറങ്ങി
ഞാൻ നേടിയ സമ്മതം
ശരിയാവുകയുമില്ല
ചിലശരികളിൽ
കാൽവഴുതി വീഴുമ്പോൾ
വലിയശരികളെ
കാൽവച്ചു വീഴ്ത്തുന്നു
പരമമായസത്യമേതോ
കായൽപരപ്പിൽ
ഗതിയില്ലാതെ അലയുന്നു
വഴികളിൽ
ചിരികളിൽ
ചിന്തകളിൽ
എവിടെയെല്ലാമോ
തന്റെ അസ്തിത്വം തേടിയലയുന്നു
നൂൽനൂൽക്കുന്ന പുഴുവിനെപോലെ
വലനെയ്യുന്ന ചിലന്തിയെപോലെ
ചിന്തയിൽ സത്യങ്ങൾ
ചിത്രവർണങ്ങൾ തീർക്കുന്നു
ഞാനുമെൻ കിനാക്കളും
ഏതോവിപഞ്ചിയിൽ
സത്യത്തിൻ  വരവിനായി
കാത്തിരിക്കുന്നു
ഓടുകയില്ലഞാൻ മുൻപിൽ
കാതുകളിൽ വന്നു ചൊല്ലുകയില്ല
കവലകളിൽ വിളിച്ചോതുകയില്ല
സത്യമതേതോ
താമസ്സിൻമറവിൽ
വിറയാർന്നു നിൽക്കുകയുമില്ല
വെളിച്ചം തേടി
ജീവൻ തേടി.. ഒഴുകും
സത്യം ജയിക്കും 

Saturday, 1 September 2018

പ്രളയചിന്ത

പെരിയാറിൻ തീരങ്ങളിൽ
പമ്പയാറിൻ ഓരങ്ങളിൽ
വിയർപ്പിൻ കനികൾ
ചെളിയിൽ പുതഞ്ഞുപോയി
കുത്തിയൊഴുകുന്ന, ആർത്തിരമ്പുന്ന നദികൾ
തൻ പ്രതാപം വീണ്ടെടുക്കുവാൻ കുതിച്ചിടുമ്പോൾ
രൗദ്രഭാവം പൂണ്ടിടുമ്പോൾ
ഞാൻ ഓർത്തുപോകുന്നു
പെയ്തുതീരാത്ത മഴയുടെ രോദനം
എങ്ങും കൈവഴികളായി ഒഴുകിടുമ്പോൾ
തകർന്നുവീഴാവുന്നതേയുള്ളൂ
ഞാനും നീയും കെട്ടിപൊക്കിയതൊക്കെയും
നിസ്സാരമാണ്
വെറും നിസ്സാരരാണുനാം
ഗർവുമറന്നു നമുക്കൊന്നുചേരാം
നാളെയെന്തെന്നറിയായ്കതീർക്കും
അനിശ്ചിതത്വത്തിൽ
കൈകോർക്കാം... ജീവിക്കാം


Monday, 6 August 2018

Sleep

I stayed in the bed until it is to time to wake up
Now, the eyes are so tired
I need the bed but no longer gets it,
Where will I rest my eyes,
that carries the whole nights sleep
Sleep that brings joy to mind,
That very sleep which can bring sorrows to eyes
Only the sleep that can wipe out the sorrows
Now, I shut my eyes to sleep a bit longer
The duties and commitments can no longer
give me the sense of freedom
Dear eyes, I have nothing to offer
Your tiredness and sorrows remain
Until I find the warmth of a bed again

ശലഭങ്ങൾ

ഒരിക്കലും തിരിച്ചുകയറാനാവാത്ത
ആഴങ്ങളിൽ പതിച്ച ശലഭങ്ങൾ
സുന്ദരമായ ചിറകുകൾ
കൊഴിച്ചു മണ്ണിലൂടിഴഞ്ഞു
പതിച്ചനിലങ്ങളിൽ ജയിച്ചുകാട്ടാതെ
ശലഭങ്ങൾ പാതിവഴിയിൽ മറഞ്ഞില്ല
തനിക്കു കാണാൻ കഴിയുന്ന കാഴ്ച്ചകൾ
മുഴുവൻ കാണാതെ ശലഭങ്ങൾ വഴി ഉപേക്ഷിച്ചില്ല
വർണ്ണശബളമായ ചിറകിന്റെ ഭംഗിയിൽ
പൂവുകളുടെ മാസ്മരഗന്ധത്തിൻ
ഓർമയിൽ മുഴുകിയില്ല
ശാപവാക്കുകൾ ഉരുവിട്ടുമില്ല
ഇഴഞ്ഞവഴികളിലേക്കു തിരിഞ്ഞുനോക്കിയുമില്ല
പരിഭവമേതുമില്ലാതെ
വീണമണ്ണിൽ ജീവിച്ചലിഞ്ഞുചേർന്നു


Friday, 3 August 2018

മരം

മൗനമേറെകൊതിച്ചൊരാമരത്തിൽ
ഒരുപാടു കിളികൾ വന്നു കൂടുകൂട്ടി
ശബ്ദമുഖരിതമായൊരാചില്ലയെ
മുറിച്ചെറിഞ്ഞിടുവാൻ മരം കൊതിച്ചു
ഏറെ നാളുകൾ കൊഴിഞ്ഞിടുമ്പോൾ
കുഞ്ഞുകിളികൾ തൻ കൊഞ്ചലുകളിൽ
കാതുകുളിർപ്പിച്ചൊരാമരം
ചാഞ്ഞചില്ലയെ നേരെയാക്കി
കുഞ്ഞുകിളികളെല്ലാം പറന്നകലാൻ
വെമ്പൽകൊള്ളുമ്പോൾ
പോകരുതേയെന്നു പറയുവാനാശിച്ചുപോയൊരാമരം
കാത്തിരിക്കുന്നു കിളികളുടെ വരവിനായി.....