ജാലകത്തിലൂടെ നോക്കിയാൽ
ഒരു കൊച്ചു പൂന്തോട്ടവും
അതിലുള്ള രണ്ടുകൊച്ചു മരങ്ങളും കാണാം
ശീതകാലമായതിനാൽ ഇലകൾ പൊഴിച്ചു
മാറ്റങ്ങളെ ഓർമ്മിപ്പിച്ചു നിൽക്കുന്ന രണ്ടുകൊച്ചു മരങ്ങൾ
പേരറിയാത്ത അവയിലൊന്നിൻ ചില്ലയിൽ
ഒരു കുഞ്ഞുപക്ഷി വന്നിരുന്നു
ഏറെനേരമിരിക്കാതെ കൊക്കുമിനുക്കി
പറന്നുപോയൊരാപക്ഷി
ജീവിതഭാവമാറ്റങ്ങളെ ഓർമ്മിപ്പിക്കുന്നു
മനോഹരമാണീകാഴ്ച്ചകൾ
പ്രകൃതിതരുന്ന ഈ ദൃശ്യവിരുന്ന്
ഏറെനേരമിരുന്നു ആസ്വദിക്കുവാൻ ആഗ്രഹമുണ്ടെങ്കിലും
കുരുന്നുകൈകൾ എൻ കവിളുകളിൽ തഴുകുന്നു
എന്നരുകിൽ വന്നെനിക്കുമുത്തം നൽകുന്നു
പുഞ്ചിരിതൂകി എന്നരികത്തിരിക്കുന്നു
ദ്രശ്യവും സ്പർശവുമായ ഈ സൗന്ദര്യഭാവങ്ങളിൽ
ഏതു തിരഞ്ഞെടുക്കണമെന്നു ആശയക്കുഴപ്പമേതുമില്ലാതെ
ഞാൻ തിരഞ്ഞെടുക്കുന്നു
എൻ കുഞ്ഞുപൈതലിൻ തലോടലുകൾ....
