സിന്ദൂരം

എൻ്റെ സിന്ദൂരമെന്ന  കവിതയുടെ യൂട്യൂബ് ലിങ്ക് 

https://www.youtube.com/watch?v=E_pcSw03O2w

ഈ കവിത ഇഷ്ടമായെങ്കിൽ ഷെയർ ചെയ്യുക

ചിരികൾ

 ഒരിക്കൽ നിനക്കായി കരുതിവച്ച ചിരികളിൽ 

ചിലന്തി വലനെയ്തു കഴിഞ്ഞിരിക്കുന്നു 

കാലചക്രം  ചലിക്കുന്നു വേഗം 

ദൂരങ്ങൾ മാറ്റമില്ലാതെ തുടരുന്നു ........................

 

പ്രിയസഖി

സ്വരമായി നീയെൻ 

കരളിൽ ഈണത്തിൽ 

വരവായ് ഏതോ 

കുളിർകാറ്റുപോലെ 

താളമായി ഞാനും 

ഹൃദയത്തിൻ തന്ത്രിയിൽ 

ചേരുന്നു ചാരെ 

ഒരു പൂവിതൾ പോലെ 

വർണ്ണനമല്ലാത്ത 

കാവ്യഭാവനയിൽ

കൈകോർത്തു നടക്കാം 

നമുക്കീ വിശാലവീഥിയിൽ 

ഒരിക്കലും തീരാത്ത 

ഈ വഴിത്താരയിൽ 

ചേർന്നിരുന്നല്പം 

വിശ്രമിച്ചീടാം 

എവിടെവച്ചെങ്കിലും 

കാലിടറീടുകിൽ 

താങ്ങായിമാറാം 

മടികൂടാതെന്നും 

ഓർമ്മകൾതൻ 

തീരത്തിരുന്നു 

മധുരമാം അനുഭവങ്ങൾ 

പങ്കുവച്ചീടാം 

നാളെ ഈവഴികളിൽ 

നാം നട്ട വൃക്ഷങ്ങൾ തൻ 

തണലിലിരുന്നു 

ഉഷ്ണമകറ്റിടാം 

കാറ്റായി തീയായി 

മഴയായി തിരകളായി 

തുടർന്നിടുകവേണം 

കഴിയുവോളം ഈ ഭൂവിൽ നാം 

ഒരുവേള  കളംവിട്ടൊഴിഞ്ഞീടുകിൽ 

പുൽക്കൊടിയായി 

പിറവിയെടുത്തിടേണം 

നമുക്കൊരുമിച്ചു ചാരെ